လူမှုဆက်ဆံရေး ပြေလည်အောင် ဘယ်လိုနေထိုင်ကြမလဲ

လူရယ်လို့ ဖြစ်လာရင် တစ်ယောက်ထဲ နေလို့မရပါ။ အခြားသူများနဲ့ ပေါင်းသင်း ဆက်ဆံရပါတယ်။ အိမ်မှာနေတော့ အခြား မိသားစုဝင်များ ဖြစ်တဲ့ အဖေ၊ အမေ၊ ညီ၊ အစ်ကို၊ မောင်၊ နှမ စတာတွေနဲ့ ဆက်ဆံရမယ်။ ကျောင်းနေရင် ကျောင်းသူ၊ ကျောင်းသား၊ ဆရာ ၊ ကျောင်းဝန်ထမ်း စတာတွေနဲ့ ဆက်ဆံရမယ်။ အလုပ်ခွင် ၀င်ရင် လုပ်ဖော်ကိုင်ဖက်၊ အထက်လူကြီး၊ လက်အောက်ငယ်သား စတာတွေနဲ့ ဆက်ဆံရမယ်။ လမ်းသွားရင် ဘတ်စကား စပါယ်ယာ၊ ဈေးသည်၊ ယာဉ်ထိန်းရဲ စတာတွေနဲ့ ဆက်ဆံရမယ်။ တစ်ယောက်ထဲ နေလို့ မရပါဘူး။           အဲဒီလို မဖြစ်မနေ လူတစ်ဦးနဲ့တစ်ဦး ဆက်ဆံကြရတဲ့အခါမှာ ပြဿနာ ကြီးငယ်တွေ ဖြစ်တတ် ကြုံတတ်ပါတယ်။ ကျောင်းသား နဲ့ ဆရာ၊ မိဘနဲ့ သားသမီး၊ အထက်နဲ့ အောက်ဝန်ထမ်း၊ ယာဉ်ထိန်းရဲ နဲ့ ခရီးသွားလုပ်သားပြည်သူ၊ ဈေးသည်နဲ့ ဈေးဝယ် စသူတို့ အကြားမှာ ပြဿနာ မကြာခဏ ပေါ်တတ်ကြတာ သဘာဝပါဘဲ။ ပြဿနာ လုံးဝ မပေါ်အောင် လုပ်လို့မရပါဘူး။ ကြီးရင်ကြီးမယ်။ ငယ်ရင်ငယ်မယ်။ ဒီနေရာမှာ မပေါ်ရင် နောက်တနေရာမှာ ပေါ်မှာ ပါဘဲ။ ဒီတော့ ပြဿနာ မပေါ်အောင် လုပ်မယ် ဆိုတာထက် အကြောင်းအားလျော်စွာ ပေါ်လာတဲ့ ပြဿနာကို ဘယ်လိုပြေလည်အောင် ဖြေရှင်းမလဲလို့ စဉ်းစားတာထက် နောင်အလားတူ ပြဿနာ မပေါ်အောင် ဘယ်လို ဆက်လက်နေထိုင် လုပ်ကိုင်သွားမလဲ ဆိုတာကိုသာ ရှာဖွေကြရမှာပါဘဲ။           ဒါကြောင့် ပြဿနာတစ်ရပ်ကို ရင်ဆိုင် ကိုင်တွယ် ဖြေရှင်းရာမှာ ထားရှိသင့်တဲ့ သဘော ထား၊ အခြေခံရမယ့် အယူအဆ၊ လိုက်နာသင့်တဲ့ ဥပဒေသတွေကို စဉ်းစားတင်ပြပေးချင်ပါတယ်။ ၁။ ရှောင်လိုက်ရင် လတ်တလောဘဲ ပြေလည်မယ်။  ပြဿနာ ဖြေရှင်းဘို့ ၂နည်းရှိပါတယ်။ တစ်နည်းက ရှောင်လိုက်တာနဲ့ နောက်တစ်နည်းက ပြဿနာအရင်းခံ အကြောင်းရှာပြီး အခြေအနေ ကို ပြောင်းလဲပေးတဲ့ ဖြေရှင်းနည်းပါဘဲ။ ပြဿနာပေါ်နေတဲ့ နှစ်ဘက်ကိုမတွေ့အောင်  ရှောင်လိုက်ရင် ပြဿနာ မရှိနိုင်တော့ပါဘူး။ ဒါပေမယ့် တစ်ခါတစ်လေမှာ ရှောင်မရတာတွေ ရှိတတ်ပါတယ်။ အထက်လူကြီးနဲ့ ပြဿနာဖြစ်ပြီ ဆိုပါတော့။ အလုပ်ပြောင်းလိုက်နိုင်ရင်တော့ ဒီလူကြီးနဲ့ ပြဿနာ မရှိနိုင်တော့ ပါဘူး။ ဒါပေမယ့် အလွယ်တကူ အလုပ်သစ်တစ်ခုကို မပြောင်းနိုင်ခင်မှာတော့ ပြဿနာ ပိုမိုဆိုးရွား မလာအောင် အဖြေရှာ ပြုပြင်ဖြေရှင်းနည်းကို သုံးရပါမယ်။ နောက်တစ်ခု စဉ်းစားရမှာက နောက်အလုပ်မှာကော နောက်လူကြီးနဲ့ နောက်ပြဿနာတစ်မျိုး ဖြစ်နိုင်ပါသေးတယ်။ ဒါကြောင့် ရှောင်ရှားနည်းဟာ ရေရှည်အတွက် ဖြေရှင်းနည်း အဖြေမှန် မဟုတ်ပါဘူး။ ယာယီ ပြေလည်ဖို့ ပြဿနာ ပိုမို မကြီးထွားလာဘို့ဘဲ ဖြစ်ပါတယ်။ ရှောင်လိုက်တဲ့နည်းကိုလဲ လိုအပ်ရင် သုံးသင့်ပါတယ်။ ဘယ်လိုဖြေရှင်းရမလဲ ဆိုတာ မသိသေးခင် ရှောင်နေတာ အကောင်းဆုံးပါဘဲ။ သို့သော် ရာသက်ပန်ရှောင်လို့မရ ဆိုတာ သတိပြုပါ။ လူမှန်ရင် လူတွေကြားမှာ နေရမှာလေ။ ဒီတော့ ယာယီဖြေရှင်းဖို့ ရှောင်နေတဲ့နည်းကိုသုံး ရေရှည်ပြေလည်ဖို့ ကိုတော့ အဖြေရှာ ပြုပြင်တဲ့နည်းကို သုံးရပါမယ်။ ၂။  ပြဿနာရယ်လို့ ဖြစ်လာရင် နှစ်ဘက်လုံးမှာ တာဝန်ရှိတယ်။ မှန်ပါတယ်။ ပြဿနာတစ်ရပ် ပေါ်ပေါက်လာပြီဆိုရင် နှစ်ဘက်စလုံးဟာ ပြဿနာ ပေါ်စေတဲ့ အကြောင်းတရားထဲမှာ ပါနေတယ်ဆိုတာ သဘောပေါက်ထားရပါမယ်။ နှစ်ဘက်စလုံး မှားပါတယ်။ လုံးဝ တစ်ဘက်က မှန်ပြီး တစ်ဘက်က လုံးဝမှားတယ် ဆိုတာမရှိပါ။ ဘာကြောင့်လဲဆိုတော့ အမှန်တရားဟာ ရပ်တည်သုံးသပ်မှုအပေါ် မူတည်ပြောင်းလဲတတ်လို့ပါဘဲ။ Absolute Truth ဆိုတာ တော်တော်ရှားပါတယ်။ တစ်ဘက်က သူ့ဟာသူ မှန်နေသလို ကျန်တစ်ဖက်ကလည်း သူ့အတွေးနဲ့သူ မှန်နေတာပါဘဲ။ အမှန်တရားက တစ်ဘက်အတွက် တစ်ခုဖြစ်နေတာကိုး။ ရပ်တည်ချက် မတူရင် လက်ခံထားတဲ့ အမှန်တရား မတူနိုင်ပါ။ အဲဒီ မတူတဲ့ အမှန်တရား နှစ်ခုကြောင့်လဲ ပြဿနာ ပေါ်တာပါ။ ဒါကြောင့် ပြဿနာပေါ်တိုင်း ငါမှန်ရဲ့သားနဲ့ ဆိုတဲ့ အတွေးကို ဖျောက်ပါ။ ငါမှန်တယ်ထင်လို့ လုပ်လိုက်တာ ဘယ်တစ်ခုက သူ့အတွက် ငါ့အမှားလို့ မြင်စရာ ဖြစ်သွားလဲဆိုတာကို ရှာဖွေတတ်ရပါမယ်။ အဲဒါ ပြဿနာ ပြေလည်ဘို့ လမ်းစပါဘဲ။ ၃။ ကိုယ်ကိုယ့်ကို ပြောင်းလဲနိုင်အောင် လုပ်ပါ။ ပြဿနာရယ်လို့ ဖြစ်လာရင် အကြောင်းတရား တစ်ခုခုကို ပြောင်းပေးမှ ပြေလည်မှာပေါ့။ အကြောင်း မရှိဘဲ အကျိုးမဖြစ်ပါဘူး။ ကိုယ့်မှာ ပြဿနာဆိုတဲ့ အကျိုးတရားတစ်ခု ပေါ်ပေါက်လာဖို့မှာ ကိုယ်ကိုယ်တိုင်က အကြောင်းတရား အနေနဲ့ ပါနေပါတယ်။ အဲဒီအကြောင်းတရားကို မှန်ကန်စွာ ရှာဖွေ ဖယ်ရှားနိုင်ရင် ပြဿနာပြေလည်ဖို့ အကြောင်းတရား ရမှာပါ။ သူနဲ့ကိုယ် ပြဿနာဖြစ်ရင် သူပြောင်းရင်ပြောင်း၊ ကိုယ်ပြောင်းရင်ပြောင်း၊ ဒါမှမဟုတ် နှစ်ယောက်လုံး ပြောင်းနိုင်ရင် ပြောင်းပေါ့။ မပြောင်းရင် ပြဿနာ ဆက်ဖြစ်နေမှာပေါ့။ ဒီနေရာမှာ တစ်ဘက်သား ပြောင်းအောင် လုပ်ဖို့ဆိုတာ လွယ်မယောင်နဲ့ ခက်ပါတယ်။ သူ့ကိုပြောင်းလဲအောင် မလုပ်နိုင်ရင် ကိုယ်ပြောင်းလဲရမှာပေါ့။ ၄။ အပြောင်းအလဲတစ်ခုမှာ တုန့်ပြန်မှု သေချာပေါက် ရှိတယ်။ သူမပြောင်းရင် ကိုယ်ပြောင်းလို့ ပြောခဲ့ပါတယ်။ ကိုယ်က စပြောင်းရမှာပေါ့။ ကိုယ်ပြောင်းလာရင် သူလဲ ပြောင်းလဲလာတတ် ပါတယ်။ ဒါသဘာဝပါ။ ကိုယ်လုပ်ဆောင်တာ တစ်ခုကို ပြောင်းလိုက်ရင် သူကလည်း တုန့်ပြန်ပုံ ပြောင်းကို ပြောင်းပါတယ်။ ဒီလိုနဲ့ ပြဿနာပြေလည်ရာ အဆုံးကို ရောက်နိုင်ပါတယ်။ ကိုယ်က အော်နေရင် သူကလည်းလေသံမာလာပြီး ကိုယ်က ချိုချိုသာသာ ပြောရင် သူလည်း လေသံပျော့လာနိုင်ပါတယ်။ ဒီနေရာမှာ ကိုယ်ဘယ်လိုပြောင်းမလဲ ဆိုတာ အရေးကြီးလာပြန်တယ်။ ၅။ ယထာဘူတအမြင်နဲ့ ရှုမြင်သုံးသပ်ပါ။ ပြဿနာ ဆိုတဲ့ အကျိုးတရားတခုဟာ အကြောင်းတရားရှိလို့ ဆိုတာ ပြောခဲ့ပါပြီ။ အကြောင်း မရှိရင် အကျိုး မလာပါ။ အကျိုးကို မကြိုက်ရင် အကြောင်းရင်း အမှန်ကိုရှာပြီး ပယ်ဖျောက်ရှင်းလင်း လိုက်ရင် ပြီးတာပါဘဲ။ အကြောင်းရင်းမှန်ကို မြင်နိုင်ဖို့ ယထာဘူတ အမြင်နဲ့ သုံးသပ်ရပါမယ်။   ယထာဘူတ အမြင်ရှိဖို့ သမာဓိကောင်းရပါမယ်တဲ့။ စိတ်တည်တည် ငြိမ်ငြိမ် ရှိရမယ်ပေါ့။ ဒီလိုရှုမြင်တတ်ရင် အဖြေမှန်ကို ရှာတွေ့မှာပါ။