သထုံ;ေပ;ခမ္း ကရို,န၀္, (တြမ္;) သု၀ဏၰဘူမိ (၂)

နီပအို၀္;လို,မ်ဳိ, ကအီ;အုံေသာ့,ဗာ; ျဖ၀္,ခမ္းအခ၀္န၀္ ရပ္ရာ;ဖုံ;ကိုန၀္, အုံေသာ့,ဗာ;ယို,ယို,၊ ေဖ်ာ္တြိဳ;လြဥ္ဗာယို,ယို, တေမြးတ၀္း၊ လုဲင္;တြမ္;သြီ; တြမ္;သက္ေတြာ့, တြိဳက္,ထန္;ရီးဗာ;ကဒိြဳန္း လာအို(ေလာ)လို,မ်ိဳ,သီးဖုံ;ကရို,န၀္, ေခြသြဥ္းအ၀္;ဟြိဳန္ေတာင္,ေသ,ခါ,ဗာ; ပအို၀္;စြိဳးခြိဳ,အစြိဳ, အြဥ္ကတူ; နီသြဥ္းသီးျဖားတန္ ေအာင္;ခမ္းထီ င၀္းၾသ၀ါဒကိုသြဴ။

ကြပ္ေဖ;ဗာ;သြီ; ေဖ;ဗာ;သက္ထြဴမ, ကထြဴလြဥ္ဒါ; ထိီတြမ္;ဟံ; အြိဳးခင္;လမ္းလီ, သု၀ဏၰဘူမိ သထုံ;တန္ကိုန၀္, ခ်,လင္,ဆ်ာ,လင္,ထြဴေတြာ့, တယ္;ေထာင္;ခ်ာယင္း ပအို၀္;ခမ္းထီ တသာန၀္,သြဴ။ ကတယ္;ေထာင္;တသာဒါ; ပအို၀္;ခမ္း-သီ;သဲင္;ရပ္န၀္, ထူ;ဂုဏ္;ခ်ာ နီပအို၀္;ခမ္းသထုံ;တဲင္ ဖန္ေဖ;အမဥ္, (သထုံ;ေပ;) ႏုဲင္းန၀္,သြဴ။ သု၀ဏၰဘူမိခမ္း ဇာ;တိန၀္, ဟဲ့,ေတားလုဲင္; (သထုံ;တန္) ႏုဲင္းန၀္,သြဴ။
ပအို၀္;ရာ;ဇ၀င္; သု၀ဏၰပကာ;သနီ;က်မ္,ကိုန၀္, အ၀္;တဲမ္းမုဲင္ေသ,ခါ, လို,ကထိန္,တီ(အုပ္ခ်ဳပ္) လြဥ္ဒါ; သထုံ;ေပ;ခမ္း အြဥ္ကတူ;သားမဥ္, အ၀္;ႏုဲင္းယို ခြန္ေမာင္;သာ;၊ ခြန္ေမာင္;ေႏြာင္,၊ ခြန္ေမာင္;ႏြိဳး၊ ခြန္ေမာင္;ဗြာ၊ ခြန္ေမာင္;တဲင္း၊ ခြန္ေမာင္;-၊ ခြန္ကုံးရ၊ ခြန္အိုး၊ ခြန္ေလား၊ ခြန္စိန္;၊ ဆားစ၀္းေမာင္;၊ ခြန္စီ(ၾကည္) တြမ္; အဆုဲင္,သြတ္, ျဖားဗြာသီးဖုံ;န၀္,သြဴ။

တယ္;စြဥ္;ခြန္မႏုဟာ;လီ, ခြန္ေမာင္;သာ;သီးစိုး ဗ,တြိဳ;လြဥ္ျဖားဗြာစိုးန၀္, သထုံ;ေပ;ခမ္းယို ထြာနီပအို၀္;လို,မ်ိဳ,သီး ဒုတိယအတန္သြတ္, သမဲင္, ရို,ဗာ;ႏုဲင္းန၀္,သြဴ။ မန္းခမ္း ကအီ;လ,အီဗာ; လြတ္လပ္ေရ,အတာ; နီျဖားဗြာယိုတဲ့ ထင္;တဲမ္းဗာ;ေနဒိြဳန္းကစူမုဲင္ အြိဳးပင္;လုံလိတ္ခ်ဳတ္ကိုသြဴတဲ့ တကာ;တ၀္း၊ ေနင္; ၁၉၇၄-ဗာ;အတြင္,ကို ထြိဳ႕,တဲမ္းအေခ;ခံ;ဥပေဒ;ေရ, ဗဟုိ;ေကာ္မရွင္ႏြိဳ႕ အစြိဳ,တျဖာ,တဲ့ ထြာေနေနသြဴ။
ကြပ္န၀္,မ, သထုံ;ေပ;ခမ္းကရို,န၀္, စူတေရင္၊ ေျဖာင္းတေရင္ထာ,ေတြာ့, ထြာလြဥ္ဗာ;ႏုဲင္းန၀္,ေမြးတ၀္း၊ သု၀ဏၰဘူမိ သထုံ;ေႏြာင္,ဟံ;ကရို,န၀္, လို,မန္းခမ္းသားသီးဖုံ; အ၀္;ရို,ဒ်ာ; အ၀္;ေသခါ,ဒ်ာ; မဲင္,လို,မ်ဳိ,သီး ခမ္းထီေႏြာင္,ဟံ;ႏုဲင္းန၀္,သြဴ။ မဲင္,လို,မ်ဳိ,လဲ့အ၀္;ရို,ဒ်ာ; ေ၀,သီးခမ္းထီေႏြာင္ဟံ;သြဴ။
ပအို၀္;လို,မ်ဳိ,သီး ခမ္းထီေႏြာင္,ဟံ;ဒ်ာ;ကရို,န၀္, လို,ေသသားေဆ့,ေမြးငါ;သြဴ။ သု၀ဏၰဘူမိ သထုံ;ေႏြာင္,ဟံ;ယို ထြာဒ်ာ;နီပအို၀္;ေႏြာင္,ဟံ;ကရို,န၀္, သထုံ;ေပ;ခမ္းယို အ၀္;ထြာေဖ;သက္ေသ; တဥ္;တဥ္;ေခြါင္ေခြါင္တဗာ;န၀္,သြဴ။
တဲမ္းလိတ္သားေခြသြဥ္း ခြန္ဆာ;ဗြာယိုန၀္, လြဴးဖြါ,လင္,လြဥ္ဒ်ာ; သထုံ;ေပ;ခမ္းတဲင္ေတြာ့, ေခြသြဥ္းတဲမ္းလိတ္ ကေလာင္မဥ္,န၀္, ဖန္ေသ,ဗာ; (ခြန္ဆာ;ဗြာ – သထုံ;ေပ;ခမ္း၊ ေ၀င္,သီ;သဲင္;) ႏုဲင္းန၀္,သြဴ။ သထုံ;ေပ;ခမ္းကရို,န၀္, စိုးယိုခါ ၀င္,အြဥ္;ေထြာ့ေလြ,ေဖ; အထူးေဒ;သ(၆) ႏုဲင္းန၀္,တဲင္,ေတြာ့, ဆဲင္;တြမ္;ပအို၀္;လို,မ်ဳိ, တခြိဳ,လြဳမ္းလြဳမ္းသြဴ။
သထုံ;ေပ;ခမ္း- ကရို,ဒါ;င၀္းယိုန၀္, ပအို၀္;စိုးတသာသီးစြဳမ္;ျဖာ, လို;ေသနာ;ခါ,ငါ;၀င္, သမဲင္,အဓိပၸါယ္;ဖုံ;သြဴ။ မဥ္;ေသနာ;ခါ,န၀္, ပအို၀္;ခ်င္,ခ်င္, အ၀္;ညာ,ဗာ;လြ၀င္, တစြိဳ,တေထြာင္းရို,ကီလဲ့ နီမဲ့၊ နီနား၊ နီသ,၊ နီသြီ;ဖုံယို အ၀္;ဗဥ္;အ၀္;ဗ လတ၀္းလြ၀င္,ေတြာ့, မဲဥ္ညာ,ခြဳင္းမုဲင္,ညာ,၊ မဲဥ္ခါ;ေကာင္ခြဳင္းမုဲင္,ထြိဳင္ထြိဳင္တဲ့ယ၀္း နီသ,တေပ;တ၀္း၊ တဆြဴ;တဆုဲင္ဗာ;တ၀္းန၀္,သြဴ။
ေမြးသြဴ သထုံ;ေပ;ခမ္းကရို,န၀္,တဲးတဲ့ ေသဗာ;လဲဥ္း အေက်ာင္,အဲဥ္;ေတြာ့, သီ;သဲင္;ကရို,န၀္,ဟာအီး၊ သီ;သဲင္;ကရို,ဒါ;အမဥ္,န၀္, ထြာေပါ;ထင္;သ်ာ,လြဥ္ ထိန္,တီ(အုပ္ခ်ဳပ္)သား အခြန္အျဖာ,မုဲင္, စိုး(ေခတ္)ကရို,န၀္, စင္းစဲ့ေသ;ခ်ာ; ေခြသြဥ္းတေသထြ,တ၀္းသြဴ။ ေခြသြဥ္းကေဟာ္,ဗာ; အရွင္ပညာသီရိ ကတဲမ္းဒါ; “ပအို၀္းတိုင္းရင္းသားမ်ား၏ ယုံၾကည္ကိုးကြယ္မွဳႏွင့္ ဓေလ့ထုံးစံမ်ား” လိတ္ေစာင္;ကိုန၀္, အ၀္;ႏုဲင္းယို ေ၀င္,သထုံ;ေပ;၊ သထုံ;ေပ;ခမ္းကိုန၀္, သီမြဴး (သစ္ေစးပင္)ဖုံ;အ၀္;၊ သီမြဴးတမြဴးအိုကိုန၀္, ေမာ့,ဗာ;သဲင္ (ေက်ာက္မ်က္ရတနာ) တျဖဳံ;တဲင္ေတြာ့, ထြာလြဥ္ဗာ; “သီသဲင္” ႏုဲင္းန၀္,သြဴ။
အ၀္;န၀္မ, နီျဖားဗြာထြိဳင္;သြဳမ္,ထို သထုံ;ေပ;ခမ္း ထိန္,တီ(အုပ္ခ်ဳပ္)ေရ, အာ;ဏာ;န၀္, အ၀္;ဒ်ာ;ေႏြာင္,ဟံ;ေတာ;အစိုးရသီးထ်,တဲင္ ကထြာဒါ; အာ;ဏာ;ပဲင္;အစိုးရသီးလဲ့ ပအို၀္;င၀္း “သီသဲင္”ယို ထြာလြဥ္ေတားဒ်ာ; “ဆီဆိုင္” ႏုဲင္းန၀္,သြဴ။
မန္းသီးစိန္;ထိန္,တီလ, သထုံ;ေပ;ခမ္းမာ,ငါန၀္, ပအို၀္;ကဟဲ့,ဒါ; “သီသဲင္”ယို ပအို၀္;တဟဲ့,သုံ,စြဴစြဴတ၀္း။ မန္းင၀္း “ဆီဆိုင္” ယိုလဲ့ တသုံ,လြဥ္,တ၀္းေတြာ့, ပအို၀္;ဟဲ့,ေျပာင္,တသာဖ်င္ “သီ;သဲင္;” ႏုဲင္းန၀္,သြဴ။

 ပရဟိတခြန္ Post ကိုု ကူးယူေဖာ္ျပပါသည္။

 like...လုပ္ျပီး member ...ဝင္ေပးျခင္းျဖင့္ ဆက္လက္အားေပးပါဦး။